Mataupu : Aso e Fa’agata ai le auina mai o Faila ma Tusi Siaki (Primary & Secondary) – One Government Grant 2019/2020.

Mo Pule Aoga Uma

Aoga Tulaga Lua ma Kolisi

Aoga a Ekalesia

Aoga Tumaoti, ma

Aoga a le Malō

Ua valaau atu ma le faaaloalo tele lava o le Aso Faraile 13 Novema 2020, o le aso mulimuli lea e faagataina ai le tuuina mai o faila ma tusi siaki aemaise au ripoti faaletausaga ua fuafuaina mo le OGG i le tatou Ofisa Tutotonu nei, aua foi galuega masani a le Matagaluega e ao ona faataunuuina i faaiuga o tausaga faaletupe taitasi.

Mo A’oga uma i Savaii, ia auina atu a outou faila, tusi siaki ma ripoti faaletausaga i le faletusi i Salelologa. Sei tautuana ane faamolemole ina ia faateutusi lelei nei faamaumauga ina ia mautinoa le malu lelei pe a oo mai i le tatou Ofisa tutotonu nei i Malifa.

Ua fai ma masani a nisi o Aoga le tuai mai o Faila ma Tusi Siaki. O le a faamauina foi ma tuuina atu le ripoti i le Pule Sili ma le Matagaluega o Tupe A’oga uma e tuai mai a latou faila ma o le a le mafai foi ona faamatuu atu a outou seleni mo le tala faatatau o le tupe 2020/2021.

Afai e iai nisi faatauga moomia e pei o le totogiina o pili vai ma pili eletise, e tatala pea le avanoa e te susu mai ai i le Ofisa nei mo le tuuina atu o siaki mo faatauga i lalo o aiaiga masani mo faatauga i lalo o lenei Tupe Faameaalofa a le Malo mo A’oga.

A iai nisi fesili fesootai mai le vaega a le OGG i laina telefoni o le 64600 po o le 64647.

Ma le faaaloalo tele lava

Afamasaga Dr Karoline Afamasaga-Fuata’i

OFISA SILI O PULEGA

Print Friendly, PDF & Email