Mo Pule Aoga Uma
Aoga Faataitai
Ua valaau atu ma le faaaloalo tele lava o le Aso Faraile 30 Oketopa 2020, o le aso mulimuli lea e fa’agataina ai le tuuina mai o faila ma tusi siaki aemaise au ripoti fa’aletausaga ua fuafuaina mo le OGG i le tatou Ofisa Tutotonu nei, aua foi galuega masani a le Matagaluega e ao ona fa’ataunu’uina i faai’uga o tausaga fa’aletupe taitasi.
Mo A’oga Faataitai uma i Savaii, ia faaooina uma atu a outou faila, tusi siaki ma ripoti faaletausaga i le faletusi i Salelologa. O le a malaga atu se sui o le aufaigaluega i le faletusi i Salelologa i le aso Faraile 30 Oketopa mo le auina mai o nei faamaumauga.
Ua fai ma masani a isi o Aoga le tuai mai o Faila ma Tusi Siaki. O le a fa’amauina foi ma tu’uina atu le ripoti i le Pule Sili ma le Matagaluega o Tupe A’oga uma e tuai mai a latou faila ma o le a le mafai foi ona fa’amatu’u atu a outou seleni mo le tala fa’atatau o le tupe 2020/2021.
Afai e iai nisi faatauga e moomia e pei o le totogiina o pili vai ma pili eletise, e tatala pea le avanoa e te susu mai ai i le Ofisa nei mo le tuuina atu o siaki mo faatauga i lalo o aiaiga masani mo faatauga i lalo o lenei Tupe Faameaalofa a le Malo mo A’oga
A iai nisi fesili fesootai mai le vaega a le OGG i laina telefoni o le 64600 po o le 64647.
Ma le faaaloalo tele lava
Faafetai
Afamasaga Dr Karoline Afamasaga-Fuata’i
OFISA SILI O PULEGA
