E momoli atu le agaga faafetai a le Fono a Faiaoga o Samoa mo faiaoga uma sa totogiina mai a latou resitala.
I le taimi lenei, o loo toatele faiaoga e lei mafai ona totogiina mai a latou resitala e ui ina tele faasilasilaga faamanatu. Ona o le taua ma le faanatinati o le resitalaina o faiaoga, o lea ua tuuina atu ai le Aso Faraile 26 Fepuari, 2021 o le aso mulimuli foi lea e faagata ai le totogiina mai o resitala a faiaoga ua faamanuiaina i lenei taimi.
Ua talosagaina lau Susuga ina ia mulimulitai i le faagasologa o le totogiina o le resitala e pei ona taua i lalo.
O le totogiiina o le totogifuapauina o resitala a faiaoga e tatau ona totogi i le cashier a le Matagaluega o Aoga, Taaloga ma Aganuu o le a tatalaina mo UPOLU mai le Aso Gafua 15 – Aso Faraile 26 Fepuari 2021 ae mo SAVAII mai le Aso Gafua 22 Fepuari – Aso Faraile 26 Fepuari 2021. E manaomia lau risiti ina ia mafai ona pu’e ai lou ata.
E manaomia lou totogiina o le aofai e $150.00 mo le faamauina atoatoa ma le tuuina atu o le tusi faamaonia faapea ai le laisene faiaoga ae lei maea galuega i le Aso Faraile 26 Fepuari, 2021.
E taua tele lou mulimulitaia o le polokalame ua tuuina atu e faafaigofieina ai ona faafoe ma faatino le faagasologa o le totogiina o lau resitala.
E faamanatu atu ina ia ave le faamamafa i lea faasilasilaga, o le lē totogiina mai o lau resitala ma tauaaoina sau Tusi Faamaonia ma le Laisene Faiaoga e ono/ma e aafia ai lou avanoa e te aoao ai i totonu o soo se aoga i Samoa e tusa ai ma le Vaega 5(1), Vaega 17(2) ma le Vaega 20(1) o le Tulafono o Faiaoga 2016.
Mo nisi faamatalaga, faamolemole faafesootai mai Litea ma Regina o le Vaega mo le Mataituina, Iloiloina ma le Lauliliuina o Galuega Faafaiaoga i le imeli l.aleni@mesc.gov.ws (Litea) ma le r.kelekolio@mesc.gov.ws (Regina) i le telefoni numera 64601/ 64600.
Faafetai lava,
Afamasaga Dr. Karoline Afamasaga – Fuata’i
CHIEF EXECUTIVE OFFICER
POLOKALAME MO LE TOTOGIINA O LE TOTOGIFUAPAUINA O RESITALA MO FAIAOGA
