FAASILASILAGA TAUA: FONOTAGA FAALE TAUSAGA(2021) A LE MATAGALUEGA O AOGA, TAALOGA MA AGANUU

E fa’asilasila atu i Puleaoga, Pule Lagolago ma Faiaoga o Aoga uma a le Malo, ina ia utagia mai lenei faasilasilaga taua.

E valaau atu foi ma le fa’aaloalo tele i susuga i Puleaoga o Aoga Amata, Aoga a Ekalesia, AogaTumaoti, ina ia outou afifio mai tatou te mafuta fa’atasi i sauniga ma polokalame o le’ᾱ tᾱ’ua mo le tapuaia ma le amatalia o galuega o lenei tausaga.

  1. ASO SA 17 IANUARI 2021 I LE ITULA E 5.00 I LE AFIAFI:

O le a faia le sauniga lotu e tapuaia ai faiva ma tiute faa-le-aoaoga o lenei tausaga i le malumalu Tatalo o le Malo i Vaea. Tatou te sulaina ai le alofa o le Atua ma faanōnō manū aua galuega o lenei tausaga.

2. ASO LULU 20 IANUARI 2021 I LE ITULA E 8.30 I LE TAEAO:

Tatala aloaia le fonotaga i le Maota o Tuiatua Tupua Tamasese Efi i Sogi  ma faagasolo ai mataupu mo le tapenaina o le aufaigaluega galulue mo lenei tausaga.

3. ASO TOFI 21 SEIA OO I LE ASO FARAILE 22 IANUARI 2021 I LE ITULA 8.30 I LE TAEAO.

Faaauau Polokalame faaleaoaoga mo Pule Aoga, Sui Pule Aoga ma faiaoga ale Malo Maota o Tuiatua Tupua Tamasese Efi seia maea le Vaiaso.

E valaau atu ai ma le faaaloalo tele, ina ia afifio mai ma tala aao mai, sei o tatou saili ma fua ma tatala taafi aua se manuia o le soifua aoaoina o alo ma fanau o Samoa mo a taeao.

Tatalo i le Atua o manuia, ia tatou feiloai i aso taupoina o lenei faamoemoe i le soifua maua ma le lagi matagofie.

Faafetai,

Afamasaga Dr Karoline Afamasaga-Fuatai

OFISA SILI O PULEGA.

Print Friendly, PDF & Email