Faasilasilaga. Faasāina ona toe asia Aoga Tulagalua ma Kolisi uma a le Malo

E faasilasila atu i Matagaluega ma Faalapotopotoga uma a le Malo, Faalapotopotoga Tumaoti ma Suesuega uma o fuafua e asia Aoga Tulagalua ma Kolisi uma a Ie Malo e faapea:

  • Talu ai o le aafiaga tele o le aoaoina o mataupu aoga a le fanau i le KOVITI 19, e faasilasila atu ai ua matua faasāina ona toe asia, ma toe faalavelaveina le faagasologa o Polokalame a aoga uma a le malo, i le isi ono masina o totoe o lenei tausaga 2020 (Iulai – Tesema), seia vagana polokalame faagasolo a le Matagaluega o Aoga, Taaloga ma Aganuu;
  • Mo Faalapotopotoga o Taaloga (Sports Bodies), ia fesootai mai le Matagaluega o Aoga, Taaloga ma Aganuu, pe a fia faatino ni a outou polokalame i Aoga a le malo i le isi 6 masina o totoe o lenei tausaga, ona faatoa tuuina atu lea o se faatagaga e asia ai aoga e ala i se tusi;
  • Mo Pule Aoga uma o aoga a le Malo, ia utagia mai lenei faasilasilaga taua, ma ia aua lava nei toe talia se matagaluega, faalapotopotoga poo nisi foi e faalavelaveina polokalame a aoga, e aunoa ma se tusi faataga atu a la tatou Matagaluega o Aoga, Taaloga ma Aganuu.

Ua faia lenei fuafuaga, ina ia faaavanoa pea le taimi o totoe o lenei tausaga,
mo le aoaoina o fanau i a latou mataupu aoaoina.

Mo nisi faamatalaga faafesootai mai le susuga ia Perenise Stowers, Ofisa Sili Lagolago mo le Faafoega i Aoga, i le Telefoni 64600/64601.

Faia ma le faaaloalo tele

Afamasaga Dr. Karoline Afamasaga-Fuata’i
OFISA SILI O PULEGA

Print Friendly, PDF & Email