Mo Pule Aoga Uma
Aoga Amata
Aoga Ekalesia
Aoga Tumaoti
Aoga Tulaga Lua ma Kolisi
Susuga e,
Tuuina atu lenei tusi mo lo outou nofo silafia ao lamalama faaiu foi le tausaga faaletupe a le Malo 2019/2020. Ua faailoa atu i lalo vaega e tatau ona vave faatinoina nei loa ao lei maea le tausaga faaletupe:
- E tusa ai ma le faaiuga a le Kapeneta FK(20)4, e le mafai ona faamatuuina atu le 40% mulimuli pe a le tuuina mai faamaumauga o le SEN ma le CENSUS i le Matagaluega o Aoga, Ta’aloga ma Aganuu. O lenei vaega e le aofia ai Aoga Amata.
- Mo Aoga uma ua maea ona sainia maliega ma ua faamatuu atu vaegatupe i totonu o tou teugatupe, ua tatau ona tuuina mai uma faamaumauga o le fa’aaogaina o le 60% muamua ina ia mafai ai ona tapena e le Matagaluega o Aoga le talosaga mo le Matagaluega o Tupe mo le faamatuuina mai o le 40% mulimuli. Tatau ona fa’aoo uma mai i le Aso 22 Me 2020 ia nei ripoti.
Faafesootai mai le Susuga ia Silauniu Tagiilima i le imeli s.tagiilima@mesc.gov.ws po o Suega Tuiatafu i le imeli s.tuiatafu@mesc.gov.ws o le Vaega o lo’o mataituina le Fesoasoani a le Malo (One Government Grant Unit) po o lou valaau mai foi i le telefoni 64647.
Ma le fa’aaloalo,
Afamasaga Dr. Karoline Afamasaga-Fuata’i
OFISA SILI O PULEGA
