E mua’i faatalofa atu i le paia o matua, o outou sa ma faiga, o le a le gafa taulimaina e sa matou faamatalaga. Ae nuunuu atu ia faatini o tausala o outou paia faaleaganuu ae fitoi tonu lenei faasilasilaga i matua uma o loo alala ma aooga a latou fanau i Aoga Maualuluga i Savaii e faapea;
Ua iai nei se fuafuaga a le Matagaluega o le a malaga atu nisi o sui faigaluega mo le faatinoina o lenei polokalame e pei ona tau’a i luga mo le faafaigofieina o lenei galuega mo lo outou paia, i le tau malaga mai i Tumua nei mo le totogiina o pili aoga mo le SSC ma le SSLC.
Faamolemole silasila ane i aso ma taimi o loo lisiina atu i lalo mo le faimalaga atu ai o sui o le Matagaluega i le Faletusi i Salelologa mo lenei faamoemoe;
| VAIASO 1 | |
| Aso 7-9 Oketopa | Taimi: 9am – 3pm |
| Aso IO Oketopa | Taimi: 8am – 10am |
| VAIASO 2 | |
| Aso 14 – 16 Oketopa | Taimi: 9am – 3pm |
| Aso 17 Oketopa | Taimi 8am – 10am |
| VAIASO 3 | |
| Aso 21 – 23 Oketopa | Taimi 9am – 3pm |
Ua iai le faamoemoe e faagataina uma le totogiina mai o pili o le SSC ma le SSLC i le Aso 23 Oketopa 2020 ma o le a iai le totogi faaopoopo (late fee) i pili uma e fa’ao’o mai i tua atu o le aso ua tau’a.
Mo nisi faamatalaga faamolemole faafesootai le susuga ia Fa’amago Tulaniu f.tulaniu@mesc.gov.ws.
Faamolemole le mamalu o matua ia utagia mai lenei faasilasilaga taua tele.
Ma le fa’aaloalo tele lava,
Faafetai
Afamasaga Dr Karoline Afamasaga-Fuata’i
OFISA SILI O PULEGA
