Ua logo itu e fa o Samoa i galuega ma aiaiga o lapataiga ua fa’ataoto e le tatou malo, aua lava le puipuia o si o tatou atunuu mai le a’afia i le siama o le Corona Virus (COVID 19). O le gagana faasoifua maloloina e sili le puipuia nai lo le tau togafitia. O le ala lea o lenei faasalalauga e lagolago sua ai i fuafuaga ma taumafaiga a le tatou malo aua se Samoa soifua maloloina lelei.
E fa’ailoa atu ua le fa’ataunu’uina aoaoga (workshop) sa fuafuaina mo i latou e sekiina suega (examiners) ma i latou e toe iloilo ina suega (moderators) mo le SSC & SSLC, sa fuafuaina mo le Aso 30 ma le 31 o Mati. Ua faapena foi ona le faataunuuina aoaoga sa fuafuaina mo le tuuina atu o ripoti o suega o le SSC ma le SSLC sa fuafuaina mo le Aso Lua 7, Aso Lulu 8 & Aso 9 o Aperila.
O le a toe faailoa atu lava i se aso o i luma se aso e toe faatino ai ia aoaoga pe a toe sologa lelei fuafuaga o galuega mai aafiaga o puipuiga mo le saogalemu lautele o si o tatou atunuu.
Faafetai,
Afamasaga Dr Karoline Afamasaga-Fuatai
OFISA SILI O PULEGA
MATAGALUEGA O TAALOGA, AOGA MA AGANUU
