Faasilasilaga mo Asiasi Aoga uma ma Pule Aoga o Aoga Tulagalua ma Kolisi uma a Samoa.
Talu ai e le o toe po se lilo i le faamai pipisi (Corona Virus) ua aafia ai le lalolagi.
O lea e logoina aloaia ai a outou Afioga mo tapenaga mo lea faama’i e faapea:
- Taofia soo se taaloga e aofia ai taamilosaga uma e aafia ai fanau a soo se aoga ale atunuu.
- Taofi fanau mai le toe auai atu i le aoga pe a aafia i soo se ma’i.
- Faamalosia le tapenaina o meaaoga e fai i le fale (Assignment) mo vasega uma ia sili atu i le masina le umi lona faatinoina.
Faamalosia pea puipuiga masani e pei ona fautuaina e le Matagaluega o le Soifua Maloloina e pei o le:
- Fufulu mama lima ise fasimoli i taimi uma.
- Taofi le latalata i tagata ua masalomia ua iai auga o se flu.
- Vaai se fomai pe a mai.
- Silasila pea mo faamatalaga uma i luga o auala o fesootaiga mo le silafia o soo se faamatalaga e uiga i le faamai.
- Taofi le auai atu i vaega e faapotopoto ai tagata.
Tatalo i le Atua o manuia, ina ia faamalumalu ona aao agaalofa i luga o Samoa atoa, ao tatou iai i le faigata o lenei faama’i.
Faafetai,
Afamasaga Dr Karoline Afamasaga-Fuata’i
Ofisa Sili o Pulega
