Talu ai ua tu lalata le taimi e toe amatalia ai aoga i lenei tausaga faaleaoaoga 2020.
O le mea lea e faasilasila atu ai i Komiti o Aoga, Pule Aoga, Pule Lagolago ma matua e faapea.
- E tatau ona amata faaulufaleina le fanau ile aso 15 0 Ianuari 2020 ao lei faagasolo le amatalia o aoga ile aso 27 Ianuari 2020.
- O vaega e tatau ona tauaaoina mole faaulufaleina o le fanau i Aoga Amata ma le Vasega 1:-
– Pepa fanau
– Pepa Tui
Mo le fanau aoga e faaauau aoaoga (continuing students) o lenei tausaga e tusa ai ma tulafono ua faataatia, e manaomia le tuuina atu o a latou pepa faamaonia mai le Matagaluega ole Soifua Maloloina ua maea ona faia tui ole misela. - Susuga i Faiaoga o aoga Tulagalua ma Kolisi a le Malo, ia lipoti uma ia outou aoga i le aso Lulu, 15 Ianuari 2020 mo le tapenaga o aoga e tusa ai ma galuega masani mo le amatalia o aoga ale fanau ile aso 27 Ianuari 2020.
Mo nisi faamatalaga fa’afesootai mai le Vaega o Aoaoga (School Operations) mo Perenise Stowers ile numera 64600/64645.
Talosia i le agalelei o le Tapaau Sili i le lagi ia taitai saogalemu le soifua male ola ia tatou aulia ai le amataga o lenei tausaga faaleaoaoga i le manuia mai lana Afio.
Faafetai
Afamasaga Dr Karoline Afamasaga-Fuata’i
OFISA SILI O PULEGA
