Talosaga Faaulu mo le Auai i le Fa’aaliga Lona 13 o Tu ma Aganu’u a le Pasefika 2020

Faasilasilaga mo tufuga o faatufugaga, ma tomai faapitoa i faatinoga ma auaunaga tau tu ma aganuu a Samoa e faapea : Ua tatala nei avanoa ma talosaga e faaulu mai, mo e o loo i ai agavaa faapitoa i faatufugaga ua ta’ ua i lalo, e fai ma sui o Samoa i le Faaaliga lona 13 o Tu ma Aganuu a le Pasefika, faia i Hawaii 10-21 Iuni 2020. O ia talosaga, ua faapitoa ma faatufugaga ua ta’ua i lalo:

  1. Gaosi mea taulima
  2. Tusi Ata
  3. Tufuga ta tatau
  4. Fofo fa’aleaganu’u
  5. Sailiiliga ma lomiga tau aganuu
  6. Fa’afiafiaga fa’aleaganu’u
  7. Faaaliga o laei Samoa
  8. Pese Samoa ma faaili
  9. Folauga

O fa’amatalaga talafeagai o faatufugaga ua ta’ua i luga, ma nisi faatinoga o tomai faapitoa tau aganuu, o loo i Pepa Talosaga, e mafai ona tauaaoina atu mai le Ofisa o Aganuu o le Matagaluega o A’oga Taaloga ma Aganuu poo le imeli p.solomona@mesc.gov.ws.

E tapunia talosaga i le 3pm Aso Faraile 31 Ianuari 2020. Mo nisi faamatalaga, faafesoota’i Papalii Peone Fuimaono i le telefoni 7521011 / 64609.

Fa’afetai.

Afamasaga Dr Karoline Afamasaga-Fuata’i
Ofisa Sili o Pulega
MATAGALUEGA O AOGA, TAALOGA MA AGANUU

Print Friendly, PDF & Email