Fonotaga Faale Tausaga (2020) a le Matagaluega o Aoga, Taaloga ma Aganuu

E fa’asilasila atu i Puleaoga, Pule Lagolago, Peresitene o Komiti o Aoga ma Sosaiete a Matua (PTA) o Aoga uma a le Malo, ina ia utagia mai lenei faasilasilaga taua.

E valaau atu foi ma le fa’aaloalo tele i susuga i Puleaoga o Aoga Amata, Aoga a Ekalesia, AogaTumaoti, ina ia outou afifio mai tatou te mafuta fa’atasi i sauniga ma polokalame ole’a ta’ua mo le tapuaia ma le amatalia o galuega o lenei tausaga.

1. ASO SA 19 IANUARI 2020 I LE ITULA E 5.00 I LE AFIAFI:

O le a faia le sauniga lotu e tapuaia ai faiva ma tiute faa-le-aoaoga o lenei tausaga i le malumalu o le Ekalesia Faapotopotoga Kerisiano Samoa i Vaimoso. Tatou te sulaina ai le alofa o le Atua ma faanono manu aua galuega o lenei tausaga.

2. ASO GAFUA 20 IANUARI 2020 I LE ITULA E 8.30 I LE TAEAO:

Tatala aloaia le fonotaga i le Maota o Tuiatua Tupua Tamasese Efi i Sogi ma faagasolo ai mo le tapenaina o le aufaigaluega galulue mo lenei tausaga.

3. ASO LUA 21 SEIA OO I LE ASO TOFI 23 IANUARI 2020 I LE ITULA 8.30 I LE TAEAO.

FAAGASOLOGA LENEI O LE POLOKALAME FAALE-AOAOGA

ASO VAEGA NOFOAGA & TAIMI
21 Ianuari 2020 Puleaoga & Sui Komiti o Aoga Tulagalua ma Kolisi a le Malo.
Faasaleleaga 1&2, Itu o Tane 1&2, Asau 1&2, Palauli, Savaii Sisifo, Aana 1&2.
Potu Fono TATTE
(9.00am – 2.00pm)
Vaega mo le fesoasoani muamua (First Aid Training Program)
2 faiaoga mai Itumalo e 15 Faaleaoaoga
Learning Centre, Ofisa o Aoga
9.00am – 2.00pm
22 Ianuari 2020 Puleaoga & 2 Sui Komiti o Aoga Tulagalua ma Kolisi a le Malo.
Itumalo Sagaga, Faleata, Vaimauga&Anoamaa.
Potu Fono TATTE
(9.00am – 2.00pm)
Vaega ma le fesoasoani muamua (First Aid Training Program)
2 faiaoga mai Itumalo e 15 Faaleaoaoga
Learning Centre, Ofisa o Aoga
9.00am – 2.00pm
23 Ianuari 2020 Puleaoga & 2 Sui Komiti o Aoga Tulagalua ma Kolisi a le Malo.
Itumalo Falealili, Fagaloa, Aleipata, Lepa Lotofaga, Lefaga&Safata
Potu Fono TATTE
(9.00am – 2.00pm)
Vaega mo le fesoasoani muamua (First Aid Trai ning Program)
Toalua sui mai le Aoga e moomia.
Learning Centre, Ofisa o Aoga
9.00am – 2.00pm

E valaau atu ai ma le faaaloalo tele, ina ia afifio mai ma tala aao mai, sei o tatou saili ma fua ma tatala taafi aua se manuia o le soifua aoaoina o alo ma fanau o Samoa mo a taeao.

Tatalo i le Atua o manuia, ia tatou feiloai i aso taupoina o lenei faamoemoe i le soifua maua ma le lagi matagofie.

Afamasaga Dr Karoline Afamasaga-Fuatai
OFISA SILI O PULEGA

Print Friendly, PDF & Email