Faatulou atu Samoa i ou pa’ia ma ou mamalu auā lau faasausauga, matou te fa’asilasila atu ai i matua o tamaiti a’oga uma o le Tausaga 12 ma le 13, o A’oga a le Malo, A’oga a Ekalesia ma A’oga Tumaoti 2019 e faapea:
- Ua lē faataunuina (cancel) suega o loo totoe o le Tausaga 12, i lenei Tausaga 2019.
- O le’ā toe fa’aauauina suega o le SAMOA SCHOOL LEAVING CERTIFICATE (SSLC) Tausaga 13, mo mataupu e le’i sueina, i le Aso Lua 17 Tesema – Aso Faraile 21 o Tesema. Ia utagia mai le polokalame (Timetable) mo suega.
| Aso | Mataupu | Taimi | |
| Aso Lua | 17th Tesema | Gagana Samoa Agriculture & Development Studies | 9.00am-12.00pm 2.00pm-5.00pm |
| Aso Lulu | 18th Tesema | Mathematics, Health & PE | 9.00am-12.00pm 2.00pm-5.00pm |
| Aso Tofi | 19th Tesema | Geography, Food & Textile Technology | 9.00am-12.00pm 2.00pm-5.00pm |
| Aso Faraile | 20th Tesema | Physics, Music | 9.00am-12.00pm 2.00pm-5.00pm |
- Afai o lo’o faataotolia lou alo poo ma’i foi ona o le misela, ona faaoo ane lea o le pepa ma’i i le Pule Aoga i se taimi vave.
- Afai ua malaga i atunuu mamao lou alo, e ao ona faaoo mai faamaoniga o faigāmalaga i le Matagaluega i se taimi vave.
- Susuga uma i faiaoga sa avea ma faisuega i le va’aiga ma le mata’ituina o suega, ia lipoti uma i aoga uma sa outou faisuega ai mo le toe fa’aauauina o le galuega faafaisuega.
Faamolemole susuga i asiasiaoga ma uluaoga uma, ia fesoasoani i pūlega o aoga ma le aufaisuega ina ia mautinoa le sologa lelei o le toe faaauauina o suega a le fanau.
Mo nisi faamatalaga faafesootai mai le susuga ia Funealii Sooaemalelagi i le numera 64601 laina 113 poo Savea Levi i le numera 64601 laina 198.
Faafetai
Afamasaga Dr. Karoline Afamasaga-Fuata’i
Ofisa Sili o Pulega
Matagaluega o Aoga, Taaloga ma Aganuu.
