Faasilasilaga Taua: Faatumauina Vaega Uma e pei ona Faailoa atu Muamua (Poloaiga 8)

E faasilasila atu i Puleaoga o Aoga Amata, Aoga Tulagalua ma Kolisi uma ale atunuu e faapea:

E tusa ai ole faaiuga ale Kapeneta i lana fonotaga FK (20) faapitoa 25 ole Aso Toonai 30 Me 2020, o loo faatumauina pea le vaega e 8 o lenei poloaiga e pei ona ole a toe faailoa atu i lalo.

Valu (8). Aoga

  1. E tatala uma aoga i Samoa i le Aso Gafua 4 Me 2020 seia iai se isi faaaliga.
  2. E tuuina atu i le Matagaluega o Aoga Taaloga ma Aganuu:
    a) Tapenaina o polokalame ma faatulagaga o aso taitasi e faatino ai aoga mo aoga uma (ekalesia, aoga tumaoti) ma
    e) Mulimulitaia ole va ma tamaiti (social distancing) i potu aoga e atagia ai puipuiga mai le faamai.
  3. E fautuaina matua i le faaogaina o taavale e momoli ai fanau pe a mafai, ina ia faaitiitia ai le tumutumu i pasi ma nofoaga faitele.
  4. Ia faaitiitia le soona tumutumu o tamaiti aoga i nofoaga faitele e pei o fale faatalipasi ma maketi.

E tusa ai ole faasilasilaga ale Matagaluega sa tuuina atu i le Aso 1 ME 2020 o loo faatumauina pea vaega uma e pei ona faailoa atu.

1. Faatumauina aoga mai le Aso Gafua ile Aso Faraile i vasega ua vaeveina atu.

Vasega 11, 12, 13 Mo Kolisi uma.
Vasega2,4,6,8 mo Aoga Tulagalua uma.
Aso Gafua, Aso Lua ma le Aso Lulu.
Vasega 9 & 10 mo Kolisi uma.
Vasega 1,3,5,7 mo Aoga Tulagalua.
Aso Tofi ma le Aso Faraile.
Aoga Amata (taatia atu i matua mo le maliega e ave ai lona alo i le aoga i Aso ua faailoa atu. Aso Gafua, Aso Lulu ma le Aso Faraile.

Leai se fesuiaiga o ni vasega e faia e le tusa ma Aso ua tuuina atu.

2. O le poloaiga e pei ona iai e le gata o le taofia ole tumutumu o le aoga ma le tausisia ole Social Distancing i potu aoga, ae o le taofia ole tumutumu ole fanau pe a tuua aoga i nofoaga faitele.

O nei fuafuaga, ua maea soalaupule male Matagaluega ole Soifua Maloloina, faapea le Faalapotopotoga mo Faalavelave faafuasei ma ua faamanino mai ai vaega nei mo le silafia e le atunuu atoa.

  1. O loo mataitu pea le isi 20-28 Aso e le Matagaluega talu ona le toe maua se tagata nuu e maua i le faamai i totonu ole Malo o Niu Sila, ona o lea e fuafua uma i faigamalaga e pei ona faataunuuina i le taimi nei.
  2. E mafai ona le vaaia se ua aafia i le taimi nei oi latou na malaga mai, ae peitai o totonu o Aso e pei ona taua atu i le (1) o iina le faamautinoaina ole kilia atoa o se vailusi ua i totonu o Samoa o aumaia e nei tagata nuu.
  3. Ua fautuaina ai loa e le Soifua Maloloina le Matagaluega o Aoga ina ia maua pea le lava papale male onosai seia maea aso ma taimi e pei ona faailoa mai ona faatoa faailoa mai lea ose selau pasene mo le toe tatala atoa ai o aoga e pei ona talosagaina.

Mo nisi faamatalaga faafesootai mai le Matagaluega o Aoga, Taaloga & Aganuu i Malifa i le Telefoni 64600/64601 .

Faafetai,

Afamasaga Dr. Karoline Afamasaga-Fuata’i
OFISA SILI O PULEGA

Print Friendly, PDF & Email