Faasilasilaga: Galuega ma Polokalame Taua mo le Fa’aauauina o le A’oa’oina o Alo ma Fanau

Talu ai o le tapunia o Aoga e faasilasila aloaia atu ai ni isi o galuega ma
polokalame taua, ua tapena e le Matagaluega mo le faaauauina o le aoaoina o alo ma fanau.

1. Alagaoa mo Galuega faatino i luga o le Upegatafailagi (MESC website) mo le fanau i vasega o lo’o lisi atu i lalo

  1. Aoga Amata
  2. Aoga Tulagalua
  3. Kolisi Maualuga

O nei alagaoa ma galuega fa’ atino e fesootai lelei ma ni isi o aoaoga a le fanau sa tatau ona faatinoina i le taimi lenei i totonu o Aoga taitasi.

E taua le fesoasoani a matua ina ia mafai ona galulue faatasi ma le fanau e faaoga ai alagaoa nei ma galuega faatino ua maea tapena i luga o le Upegatafailagai a le Matagaluega

2. Televise (TV1 mo le Alaata a le Malo)

O lo’o faaauau pea le polokalame o LE LAOSO mo alo ma fanau o Aoga Amata faapea le Tulagalua.

Ua faapipii atu le faagasologa (times/schedule) mo le taimi ma Tausaga faapea mataupu mo le silafia e le Atunuu. E mafai foi ona maua le faagasologa oi nei polokalame i luga o le Upegatafailagi ma
le Facebook a le Matagaluega.

3. 2AP Leitio

Ua maea ona tapenaina le faagasologa o taimi ma aso o polokalame e faasalalau ai i luga o le Leitio (2AP) mo le silafia. Tagai ane i le Faagasologa o lo’o faapipii atu.

Faafetai

Afamasaga Dr Karoline Afamasaga-Fuatai
OFISA SILI O PULEGA
MATAGALUEGA O TAALOGA, AOGA MA AGANUU

Print Friendly, PDF & Email